عن Women's Wellness
منصة الكترونية للوعي والتثقيف الصحي في منطقة الشرق الأوسط وشمال أفريقيا عن موضوعات صحة المرأة..
من البلوغ وحتى انقطاع الطمث..
لتمكين النساء من اتخاذ اختيارات لصحتهن تناسب احتياجاتهن، و قداتهن وسياقاتهن المتفردة والمتغيرة..
متكامل للجسم
الوعي بتأثير الصدمات
مناسب للثقافة المجتمعية
مبني على الدليل العلمي
خدماتنا
للفتيات، والنساء، والأمهات، و الأزواج.
دورات مسجلة
(أونلاين)
استشارات
(أونلاين)
مجموعات دعم الأقران
(أونلاين)
محاضرات في برامج تعليمية
(أونلاين وأوفلاين)
دوراتنا التي نقدمها حاليا
تجدي تفاصيل الدورات و خطوات الاشتراك من هنا.
أولات الأحمال - مرحلة الحمل
أولات الأحمال - مرحلة الولادة
بالعربية (+مصطلحات انجليزية)
أونلاين مسجل
الاشتراك في أي وقت
الدفع أونلاين من أي مكان
دخول فوري على المحتوى
مجتمع أونلاين آمن
أولات الأحمال - مرحلة الرضاعة
أولات الأحمال - الشامل
(الحمل، والولادة، والرضاعة)
الوعي بالخصوبة
(متابعة وفهم دقيق للدورة الشهرية)
تجارب الأمهات ممن حضرن دورات أولات الأحمال
هاجر راشد، حضرتفي الثلث الأخير من حملها الأول.
لرحلة لما بتكون شاقة و طويلة و كلها قرارات و مسئوليات كبيرة و مؤثرة و لها علاقة بحياة مش بس إنسان واحد بل أسرة بحالها زي رحلة الحمل و الولادة و الرضاعة، مش بس بتكون متعبة و مجهدة بس كمان بيكون فيها توهان و مش عارفة تاخدي الكلام منين ولا منين. خصوصاً إن المصادر على النت كتير و محتاجة حد دارس عشان يقدر يتخير المعلومات. بالإضافة إلى إن كل ست حواليكي مرت بالرحلة دي بتكون عاوزة تدلي بدلوها و تقول لك اللي عندها. فبالتالي الدورة و رغدة بالنسبة ليا كانت زي صحبة حكيمة و مرجعية صادقة في الرحلة دي عارفة توجهك فين عشان الواحد ميكونش مشتت و تايه و مش عارف يفكر في أنهو اتجاه زي معظم الحوامل و الأمهات في مجتمعنا.
أم حضرت في الثلث الأول من حملها الأول.
بجد من اكتر التجارب المفيده ليا في رحله الحمل وخلتني عرفه المفروض اعمل ايه في كل فتره وكانت بترد على تساؤلات كتير احيانا مكنتش بلاقي رد عليها عند الدكتوره والمعرفه دي خلتني أخوض التجربه بعلم ووعي واني طبيعيه في كل الي بمر بيه بجد انا بنصح كل الي حواليا بأنهم يسمعو الكورس ده لانه فعلا مفيد جدا.
حقيقي مبسوطة جدا جدا اني اخدت الخطوة وحضرت انا مكنتش لسه حامل لما سجلت في الدورة وكنت مترددة ومش عارفة اسجل ولا أأجل ولكن استخرت وسئلت صديقة كانت حضرت وتوكلت علي الله واشتركت ومن اول يوم لحد الان بعد اما ولدت سعيدة جدا وبرشح الدورة لكل الناس الي حواليا ❤️❤️❤️ الدورة بشكل عام بتفرق في رحلتك في الحمل والولادة والرضاعة بتفرق في وعيك بالتغيرات الي بتحصل في جسمك وفي النونو بتاعك بتقلل التوتر والقلق كتير لانك بتبقي متوقع بنسبة ايه الي بيحصل وليه فرقت معايا مثلا في طريقة اكلي في الحمل والي فرقت كتير الحمد لله وكانت سبب في اني مزدش زيادة كبيرة في الوزن وقت الحمل فرقت مع زوجي مع انه مكنش متشجع يسمع في الأول بعدين لما سمع معايا شوية وشاف ان الدورة علمتني حاجات سمع وفرقت معاه في انه عرف التغيرات الي بتحصل وقت الحمل وبالتالي كل. دا عمل فرق كبير في شكل دعمه ليا الحمدلله والي فرق جدا جدا في رحلتي الحمدلله كانت الدورة من الأسباب الي خلتنا نخرج من تجربة الولادة بانها تجربة ايجابية مش معاناه وآلام وحاجة مخيفة زي ما دايما الناس بتفضل تتكلم عن الولادات>
أم حضرت قبل حملها الأول.
تجارب نساء ممن حضرن دورة الوعي بالخصوبة
" واحدة من الاستثمارات اللي الحمدلله مبسوطة إني عملتها..
المحتوي جديد عليا ومنظم وفي معلومات مفيدة عن الصحة بشكل عام شوفتها بوضوح بعد ال Charting..
زي ما قالت د.رغدة
"الصحة ككل بتأثر علي الصحة الإنجابية، والصحة الإنجابية بتأثر علي الصحة ككل"
والأهم هي مقدمة المحتوي د.رغدة بكونها طبيبة ومعتمدة في المحتوي اللي بتقدمه فهي بتقدمه بسهولة وصبر على الأسئلة ودعم صادق خلال الكورس وبعده.
وبتراعي جداً الجانب النفسي المختلف عند كل حد فينا."
مروة أحمد، شابة، مصر.
شروق أمين، شابة و زوجة، مصر.
"من الحاجات اللي خلتني اعتبر دورة الوعي بالخصوبة اللي بتقدمها د. رغدة one of a kind..
هي إن العلم المقدم فيها سابق بخطوات كتيرة أغلب الكلام المتاح على الساحة من المتخصصين عن جسمنا والدورة الشهرية والفهم عنهم، وكيفية توظيف الفهم ده في حاجات بتمس احتياجاتنا العملية زي الوعي بالصحة وتأجيل الحمل.
وماقصدش بالساحة بس سياقنا العربي، أقصد المحتوى المطروح في المواضيع دي بشكل عام.
والحقيقة فيه نقطة إضافية بتضيف لتميز الدورة دي، وهي إن مقدمتها (د.رغدة)، بتشبه في أسلوبها محتوى الدورة اللي بتقدمه، بمعنى إن زي ما المحتوى نفسه بيعلمنا إزاي نبص لجسمنا كحدث متفرد، محتاج وقت لفهمه، وأسلوب خاص للتواصل/ التعامل معاه.
فدكتورة رغدة طوال الدورة بتعامل كل واحدة من الحضور بالمثل، وبتديها من تركيزها وانتباهها ووقتها وتفكيرها اللي يخليها تحس إن الدورة دي كلها موجهة ليها وبتrelate لاحتياجاتها، سواء العامة أو الوقتية، وبتحط تساؤلاتها الخاصة جدا في الاعتبار.
بعتبر نفسي محظوظة إني أتعرضت للأفق الجديد، الtransformative ده، اللي لازال مش معروف كفاية كما ينبغي له."
إيمان السيد، طبيبة شابة وزوجة، مصر.
"أنا طبيبة ومحبة لأحوال الجسد وحاولت أعلم نفسي في المساحة دي..
لكن آثار التربية والمجتمع سايبة عوالق في علاقتي بجسمي ودوراته، وفضل حاجات أكتر بكتير أجهلها رغم الدراسة الأكاديمية والحر.
حضور كورس "الوعي بالخصوبة" كان معين جدا في ضبط العلاقة دي، في إزالة رواسب العيب واليع و ان دي فترة تعدي بأي شكل عشان نرجع نعيش بعدها..
لأ ، بقيت قادرة أفهم جسمي وأفهم الي بيمر بيه وأحبه..وأشوف الصورة كاملة جوا وبرا والعلاقات بينهم وأقدرها وأقبلها..
خلاني أنتبه اكتر لنفسي ولجسمي عن قرب وتركيز.. وده اداني إحساس اني بدي وقت لنفسي وبهتم بيا..
والجميل ان الأثر ممتد، في فهم ونظرة اتغيرت.
فمش بس للأوقات الي بكون فيها قادرة أتابع وألاحظ باستمرار، لا بقى طول الوقت قادرة أحس وأعرف أنا فين وايه بيحصل.
حقيقي كنت هحب اني أعرف المعلومات دي بالطريقة دي من أول ما خطوت في عالم الإناث.
غير طبعا أهميته ودوره في مساحة الإنجاب سواء عايزة أو بتتجنبي.
الوعي بالخصوبة كانت متناغمة مع نفس روح كورس "أولات الأحمال".
شابة من مصر.
"في الحقيقة في نهاية الجلسات اللي حضرتها مع د/رغدة الموضوع مكنش مجرد معرفة.
ولكن كان فهم وحواجز بتتكسر في علاقتي بجسمي وشعور بالقرف عندي من بعض الأشياء بيقل ويكاد يتلاشى ومخاوف بتروح وتحسن واضح في علاقتي بجسمي.
بالنسبة ليا احساس حلو جدا اني فاهمة الدورة الشهرية بتاعتي والمراحل اللي بتمر بيها وبقى عندي تصور لايه اللي طبيعي وايه اللي مش طبيعي اللي لو حصل ممكن احتاج استشير متخصص.
كمان فهمت ان الدورة هي مرتبطة ارتباط وثيق بصحتنا ككل وأنها بيظهر عليها التغيرات زي الضغط النفسي أو تغير نمط الأكل أو أدوية وهكذا.
وبشكل حقيقي كانت من اكتر الحاجات المفيدة اللي اتعلمتها في حياتي."
